മണ്ണാര്‍ക്കാട്: കല്ലടിക്കോട് ദാറുല്‍ അമാന്‍ ഇസ്‌ലാമിക് കോംപ്ലക്‌സിന്റെ മുപ്പതാം വാര്‍ഷികാഘോഷ പ്രഖ്യാപനവും, സമൂഹ വിവാഹവും നടന്നു. എസ്.കെ.ജെ.എം ജില്ലാ സെക്രട്ടറി സി. മുഹമ്മദാലി ഫൈസി നികാഹിന് കാര്‍മികത്വം നല്‍കി. ദാറുല്‍ അമാന്‍ പ്രസിഡന്റ് സാദാ ലിയാഖത്ത് അലിഖാന്‍ അധ്യക്ഷനായി. 

മുപ്പതാം വാര്‍ഷികാഘോഷത്തിന്റെ ഭാഗമായി ഹഫ്‌ള് കോളജ്, കുടുംബ സംഗമം, മജ്‌ലിസുന്നൂര്‍ വാര്‍ഷികം, മത പ്രഭാഷണം, വനിതാ സംഗമം, വര്‍ഷത്തില്‍ 30 നിര്‍ധന കുട്ടികളുടെ വിവാഹം, മെഡിക്കല്‍ ക്യാമ്പ്, റൈഞ്ച് തലത്തില്‍ കലാമേള, ഹയര്‍ സെക്കണ്ടറി തലത്തില്‍ സി.ബി.എസ്.ഇ റസിഡന്‍ഷ്യല്‍ സ്‌കൂള്‍ എന്നിവ കര്‍മ്മ പദ്ധതികളും പ്രഖ്യാപിച്ചു. മാനേജര്‍ മുജീബ് ഫൈസി, ഷറഫുദ്ദീന്‍ അന്‍വരി, മൊയ്തീന്‍ മൗലവി, മുഹമ്മദ്കുട്ടി ഫൈസി, ഹിദായത്ത് ബാഖവി, നവാസ് മദനി, മുഹമ്മദ്, യൂസഫ്, ഹമീദ് മൗലവി, അലികുഞ്ഞ് സംബന്ധിച്ചു.