ന്യുഡല്‍ഹി: പൊതു തിരഞ്ഞെടുപ്പിന്റെ ഘട്ടങ്ങള്‍ അവസാനിക്കുന്തോറും പ്രധാനമന്ത്രി നരേന്ദ്രമോദിയുടെ അഹങ്കാരം വര്‍ധിക്കുകയാണെന്ന് എ.ഐ.സി.സി ജനറല്‍ സെക്രട്ടറി പ്രിയങ്കാ ഗാന്ധി. അദ്ദേഹത്തിന്റെ പതനം ദുര്യോധനനെപോലെയായിരിക്കുമെന്നും പ്രിയങ്ക പറഞ്ഞു. മോദി ദുര്യോധനനെ പോലെ അഹങ്കാരിയാണ്. ഉപദേശിക്കാന്‍ പോയ കൃഷ്ണനെപ്പോലും ദുര്യോധനന്‍ ബന്ധിയാക്കുകയായിരുന്നു. സര്‍വ നാശത്തിന്റെ കാലത്ത് വിവേകം മരിക്കുമെന്ന സത്യം മോദിയുടെ കാര്യത്തിലും സത്യമാവുകയാണെന്നും പ്രിയങ്ക കൂട്ടിച്ചേര്‍ത്തു.
അതേ സമയം പ്രിയങ്ക ഗാന്ധിയുടെ ദുര്യോധനന്‍ പരാമര്‍ശത്തിന് മറുപടിയുമായി അമിത് ഷാ രംഗത്തെത്തി. 23ന് അറിയാം ആരാണ് അര്‍ജുനനെന്നും ദുര്യോധനനെന്നുമായിരുന്നു അമിത്ഷായുടെ മറുപടി.