ആലുവ: കേരളത്തിലെ പ്രളയാനന്തര അതിജീവനത്തിനു പൊതുമേഖല സ്ഥാപനമായ എഫ്.ഐ.ടിയു കര്‍മരംഗത്തിറങ്ങി. എഫ്.ഐ.ടി കര്‍മ്മ സേന രുപീകരിച്ചു കൊണ്ടാണു പ്രവര്‍ത്തനങ്ങള്‍ ആരംഭിച്ചിട്ടുള്ളത്. പ്രളയക്കെടുതിയില്‍ കേടുപാട് സംഭവിച്ചതും അറ്റകുറ്റപ്പണി നടത്തി ഉപയോഗ്യമാക്കാന്‍ സാധിക്കുന്നതുമായ കട്ടില, ജനല്‍ , വാതിലുകള്‍, കസേരകള്‍ തുടങ്ങിയവ യോഗ്യമാക്കുകയാണു ലക്ഷ്യം. ജനകീയ പങ്കാളിത്തത്തോടെ രുപീകരിച്ചിട്ടുള്ള കര്‍മ്മ സേനയുടെ നേതൃത്വത്തില്‍ സംരഭത്തിനു ആവശ്യമായ തൊഴിലാളികള്‍, സാധന സാമഗ്രികള്‍, ഉപകരണങ്ങള്‍ എന്നിവ സംരഭിക്കും.
കാര്‍പന്റേഴ്‌സ് ബ്രിഗേഡ്‌സാണു പ്രവൃത്തികള്‍ നടത്തുന്നത്. തദ്ദേശ സ്ഥാപനങ്ങള്‍ക്കാണു അര്‍ഹരായവരെ കണ്ടെത്തിനാക്കാനുള്ള ചുമതല. സാമ്പത്തികമായി പിന്നോക്കാം നില്‍ക്കുന്ന കുടുംബങ്ങള്‍ക്കാണു മുന്‍ഗണന. ചൂര്‍ണ്ണിക്കര പഞ്ചായത്തിലെ മടത്താഴം കോളനയില്‍ തുടക്കം കുറിച്ച പ്രവൃത്തികള്‍ ദുരന്ത നിവാരണ പ്രത്യേക ഓഫിസര്‍ എം.ജി രാജമാണിക്യം ഉദ്ഘാടനം ചെയ്തു. എഫ്.ഐ. ടി ചെയര്‍മാന്‍ ടി.കെ മോഹനന്‍ അധ്യക്ഷത വഹിച്ചു. ചൂര്‍ണിക്കര പഞ്ചായത്ത് പ്രസിഡന്റ് എ.പി. ഉദയകുമാര്‍, കര്‍മ്മ സേന ചെയര്‍മാന്‍ എ.മോഹനന്‍, വി.സലീം, അഗ്രികള്‍ച്ചറല്‍ യൂണിവേശ്ഗ്‌സിറ്റി വുഡ്‌സ് സയന്‍സ് വകുപ്പ് മേധാവി ഡോ.അനൂപ്, പി.എം.ബാലകൃഷ്ണന്‍, ശരത്, കെ.എ.അലിയാര്‍ എന്നിവര്‍ പ്രസംഗിച്ചു.
അഗ്രികള്‍ച്ചറല്‍ യൂണിവേഴ്‌സിറ്റിയിലെ മുതിര്‍ന്ന വിദ്യാര്‍ത്ഥി വിദ്യാര്‍ത്ഥിനികള്‍ കാര്‍പന്റേഴ്‌സ് ബ്രിഗേഡിനു പിന്തുണയുമായി എത്തി. ആദ്യ ദിനത്തില്‍ മടത്താഴം കോളനയിലെ നാല്‍പ്പത്തിയെട്ടു വീടുകളില്‍ സേന അറ്റകുപ്പണി നടത്തി. ഇന്ന് കുബ്ലാം പറമ്പിലെ കോളനിയില്‍ സേന പ്രവര്‍ത്തനങ്ങള്‍ നടത്തും.