തൊടുപുഴ: അന്തര്‍ദേശീയ രംഗത്ത് നമ്മുടെ കായിക താരങ്ങള്‍ക്ക് കൂടുതല്‍ പ്രശോഭിക്കാന്‍ കഴിയണമെന്ന്  പി.ജെ ജോസഫ് എം.എല്‍.എ പറഞ്ഞു. മികവ് തെളിയിച്ച താരങ്ങള്‍ക്ക് കേന്ദ്ര സംസ്ഥാന സര്‍ക്കാരുകള്‍ കൂടുതല്‍ തൊഴിലവസരം ഉറപ്പുവരുത്തേണ്ടതുമാണ്.
28-ാമത് സംസ്ഥാന സീനിയര്‍ ടെന്നിക്വയ്റ്റ് ചാമ്പ്യന്‍ഷിപ്പ് മത്സരങ്ങള്‍ മുട്ടം ഷാന്താള്‍ ജ്യോതി ഇന്‍ഡോര്‍ സ്റ്റേഡിയത്തില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സംസ്ഥാന പ്രസിഡന്റ് കെ.എസ് ബാബു അധ്യക്ഷത വഹിച്ച യോഗത്തില്‍ ടെന്നിക്വയറ്റ് അസ്സോസിയേഷന്‍ അഖിലേന്ത്യാ ട്രഷറര്‍ ആര്‍. രാമനാഥന്‍, പഞ്ചായത്ത് പ്രസിഡന്റ് കുട്ടിയമ്മ മൈക്കിള്‍, സംസ്ഥാന സെക്രട്ടറി ശ്യാമ സ്വാമിനാഥന്‍, ശരത് യു നായര്‍, എം മോനിച്ചന്‍, ക്ലമന്റ് ഇമ്മാനുവല്‍, റോയി പി ജോര്‍ജ്ജ്, സന്തോഷ് ജോസഫ്, അന്നമ്മ ചെറിയാന്‍, പ്രിന്‍സിപ്പല്‍ സി. ലിസ. ജോജി മാത്യു, ഷൈജ ജോമോന്‍, ജെയ്‌സ് ജോണ്‍, ഷീല സന്തോഷ്, ടി എച്ച് ഈസ, ബോബു ആന്റണി എന്നിവര്‍ പ്രസംഗിച്ചു. 14 ജില്ലകളില്‍ നിന്നായി 250 ഓളം കായിക താരങ്ങള്‍ പങ്കെടുത്ത ചാമ്പ്യന്‍ഷിപ്പ്  ഇന്നലെ സമാപിച്ചു.