മാഹി: ആതുര സേവന രംഗത്ത് മികച്ച പ്രവര്‍ത്തനം കാഴ്ചവച്ച ഡോ. ടി.വി പ്രകാശിന് ഭാരത് ജ്യോതി അവാര്‍ഡ് ലഭിച്ചു. ഇന്ത്യ ഇന്റര്‍നാഷനല്‍ ഫ്രണ്ട്ഷിപ്പ് സൊസൈറ്റി ഡല്‍ഹിയില്‍ സംഘടിപ്പിച്ച ഇക്കണോമിക്‌സ് ഗ്രോത്ത് ആന്‍ഡ് നാഷനല്‍ ഇന്റഗ്രേഷന്‍ സെമിനാറില്‍ അവാര്‍ഡ് നല്‍കി. മുന്‍ ഗവര്‍ണര്‍ ലഫ്. ജനറല്‍ കെ.എം സേത്തില്‍ നിന്നാണ് അവാര്‍ഡ് ഏറ്റുവാങ്ങിയത്.
പുതുച്ചേരി സര്‍ക്കാര്‍ സര്‍വിസില്‍ ആരോഗ്യ വകുപ്പിന്റെ കീഴില്‍ മാഹിയിലെ സര്‍ക്കാര്‍ ആശുപത്രിയില്‍ ഫിസിഷ്യനായി പ്രവര്‍ത്തിക്കുന്ന പ്രകാശ് എം.ഡി നിലവില്‍ പള്ളൂരിലെ കമ്മ്യൂനിറ്റി ഹെല്‍ത്ത് സെന്ററില്‍ സേവനമനുഷ്ടിക്കുകയാണ്.