കരാക്കസ്: വെനസ്വലയില്‍ നടക്കുന്ന സര്‍ക്കാര്‍ വിരുദ്ധ പ്രക്ഷോഭത്തിനിടെ യുവാവ് വെടിയേറ്റു മരിച്ചു. വലന്‍സിയ നഗരത്തിലാണ് സംഭവം. ഹെക്ഡര്‍ ലൂഗോ എന്ന 20 കാരനാണ് കൊല്ലപ്പെട്ടത്. തലയ്‌ക്കേറ്റ ഗുരുതര പരുക്കാണ് മരണകാരണമെന്ന് അധികൃതര്‍ അറിയിച്ചു. വെടിയേറ്റാണ് മരണമെന്ന് പൊലിസും സ്ഥിരീകരിച്ചു. സര്‍ക്കാര്‍ വിരുദ്ധ പ്രക്ഷോഭം വെനിസ്വലയില്‍ കൊള്ളയിലും കൊള്ളിവയ്പ്പിലും എത്തിയിരുന്നു. നിരവധി കടകള്‍ കൊള്ളയടിച്ചു. ഇതുവരെ 36 പേര്‍ പ്രക്ഷോഭത്തിനിടെ കൊല്ലപ്പെട്ടിട്ടുണ്ട്. നൂറു കണക്കിന് ആളുകള്‍ക്ക് പരുക്കേറ്റു.