കോഴിക്കോട്: നാടകാചാര്യന്‍ പി.എം താജിന്റെ അനുസ്മരണാര്‍ഥം സംഘടിപ്പിക്കുന്ന സാംസ്‌കാരികോത്സവം ഇന്ന് മുതല്‍ 27 വരെ കോഴിക്കോട്ട് നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
ഇന്ന് മൂന്നിന് ആനക്കുളം സാംസ്‌കാരിക നിലയത്തില്‍ താജിന്റെ സുഹൃത്തുക്കളും നടകപ്രവര്‍ത്തകരും ഒത്തുചേരും. നാടകപ്രവര്‍ത്തകന്‍ മുഹമ്മദ് പേരാമ്പ്ര ഉദ്ഘാടനം ചെയ്യും. 25ന് പകല്‍ മൂന്നിന് സാംസ്‌കാരിക നിലയത്തില്‍ താജിന്റെ 'രാവുണ്ണി' നാടകത്തിന്റെ വായനയും ചിത്രീകരണവും നടക്കും. 26ന് പകല്‍ 10ന് 'നവോത്ഥാനവും ഇടതുപക്ഷ പ്രസ്ഥാനത്തിന്റെ പ്രസക്തിയും' വിഷയത്തില്‍ നടക്കുന്ന സാംസ്‌കാരിക ശില്‍പശാല കെ.ഇ.എന്‍ കുഞ്ഞഹമ്മദ് ഉദ്ഘാടനം ചെയ്യും.
 ജനറല്‍ കണ്‍വീനര്‍ വി.ടി സുരേഷ്, ജാനമ്മാ കുഞ്ഞുണ്ണി, വില്‍സണ്‍ സാമുവല്‍, കെ.കെ.സി പിള്ള, കെ. ഗോപാലന്‍കുട്ടി, സന്തോഷ് പാലക്കട വാര്‍ത്താസമ്മേളനത്തില്‍ പങ്കെടുത്തു.