മെല്‍ബണ്‍: ആസ്‌ത്രേലിയന്‍ മുന്‍ പ്രധാനമന്ത്രിയും ലേബര്‍ പാര്‍ട്ടി നേതാവുമായിരുന്ന ബോബ് ഹാക്ക്(89) അന്തരിച്ചു.
രാജ്യത്ത് ഏറ്റവും ജനകീയ പ്രധാനമന്ത്രിയായിരുന്ന ബോബ് ഹാക്കിന്റെ അന്ത്യം സ്വവസതിയില്‍ വച്ചായിരുന്നു.
ആസ്‌ത്രേലിയയുടെ സാമ്പത്തിക പരിഷ്‌കരണത്തിന് നിര്‍ണായക പങ്കുവഹിച്ച അദ്ദേഹം 1983-1991 കാലയളവിലാണ് പ്രധാനമന്ത്രിമായത്. ക്രിക്കറ്റിനോടും ബീറിനോടുമുള്ള ഹാക്കിന്റെ ഇഷ്ടം പ്രസിദ്ധമായിരുന്നു.
1947ല്‍ തന്റെ 18ാം വയസില്‍ ആണ് അദ്ദേഹം ലേബര്‍ പാര്‍ട്ടിയില്‍ ചേര്‍ന്നത്. ലേബര്‍ പാര്‍ട്ടിയില്‍ നിന്ന് ഏറ്റവും കൂടുതല്‍ കാലം പ്രധാനമന്ത്രിയായെന്ന ബഹുമതിയും ഇദ്ദേഹത്തിനായിരുന്നു. രാജ്യത്ത് പൊതു തെരഞ്ഞെടുപ്പ് നടക്കാനിരിക്കെയാണ് ഹാക്കിന്റെ മരണം.