കരുനാഗപ്പള്ളി: തുടര്‍ച്ചായായുള്ള  വിവാദങ്ങള്‍  പിണറായി സര്‍ക്കാരിന്റെ പ്രതിച്ഛായ  തകര്‍ക്കാന്‍ ഇടവരുത്തുന്നുവെന്ന് എന്‍.വൈ.സി സംസ്ഥാന പ്രസിഡന്റ മുജീബ് റഹുമാന്‍ . എന്‍.വൈ.സി. ജില്ലാ കണ്‍വന്‍ഷന്‍ കരുനാഗപ്പള്ളിയില്‍ ഉദ്ഘാടനം ചെയ്യുകയായിരുന്നു അദ്ദേഹം. പിണറായി സര്‍ക്കാര്‍ നടപ്പിലാക്കി വരുന്ന ജനക്ഷേമ പ്രവര്‍ത്തനങ്ങള്‍ ചര്‍ച്ച ചെയ്യുന്നതിന് പകരം ഒന്നിന് പുറമേ ഒന്നായി വിവാദങ്ങള്‍ വന്നു കൊണ്ടിരിക്കുകയാണെന്നും മൂന്നാര്‍ കൈയേറ്റം ഒഴിപ്പിക്കുന്നതിന് മുഖ്യമന്ത്രിയും റവന്യൂ മന്ത്രിയും കൂട്ടുത്തരവാദിത്വത്തോടെ പ്രവര്‍ത്തിക്കണമെന്നും അദ്ദേഹം പറഞ്ഞു.
ജില്ലാ പ്രസിഡന്റ് ജമാല്‍ കുറ്റിവട്ടം അധ്യക്ഷനായി. കെല്‍ ചെയര്‍മാന്‍ വര്‍ക്കല രവികുമാര്‍, എന്‍.സി.പി സംസ്ഥാന സെക്രട്ടറി പി.കെ മുരളീധരന്‍, ജില്ലാ പ്രസിഡന്റ് ആര്‍.കെ ശശിധരന്‍ പിള്ള, എന്‍.വൈ.സി സംസ്ഥാന സെക്രട്ടറി സലിം ബംഗ്ലാവില്‍, ഷംസുദ്ദീന്‍ മുസ്‌ലിയാര്‍, താമരക്കുളം സലിം, പിംസോല്‍ അജയന്‍, വി.കെ രാജപ്പന്‍, വിനോദ്, അയൂബ്ഖാന്‍, പി പ്രീജ, മുകേഷ്, സീനത്ത്, തൊടിയൂര്‍ ഹസന്‍ എന്നിവര്‍ സംസാരിച്ചു.