മുംബൈ: മഹാരാഷ്ട്രയില്‍ 2014ലെ നിയമ സഭാ തെരഞ്ഞെടുപ്പില്‍ പാര്‍വതി നിയോജക മണ്ഡലത്തില്‍ ഉപയോഗിച്ച ഇലക്ട്രോണിക് വോട്ടിങ് മെഷിനുകള്‍ ഫോറന്‍സിക് പരിശോധനക്ക് വിധേയമാക്കാന്‍ ബോംബെ ഹൈക്കോടതി ഉത്തരവ്.
ഈ മണ്ഡലത്തില്‍ മത്സരിച്ച കോണ്‍ഗ്രസ് നേതാവ് എ.ബി ഛജേദ് നല്‍കിയ ഹരജിയുടെ പശ്ചാത്തലത്തിലാണ് ഹൈക്കോടതി ഉത്തരവ്. വോട്ടിങ് മെഷിനില്‍ കൃത്രിമം നടന്നുവെന്ന ആരോപണം ശക്തമായ സാഹചര്യത്തില്‍ വസ്തുതയറിയുന്നതിനായിട്ടാണ് താന്‍ ഇത്തരമൊരു ഹരജി സമര്‍പ്പിച്ചതെന്ന് അദ്ദേഹം പറഞ്ഞു. ബി.ജെ.പി സ്ഥാനാര്‍ഥിയായ മാധുരി മിസലിനോടാണ് ഛാജെദ് പരാജയപ്പെട്ടിരുന്നത്. തനിക്ക് വോട്ട് ചെയ്ത 63 പേരുടെ സത്യവാങ്മൂലവും ഹൈക്കോടതിയില്‍ ഹാജരാക്കിയിട്ടുണ്ട്.