പൂക്കോട്ടുംപാടം: അവ്യക്ത നമ്പര്‍ പ്ലേറ്റുകള്‍ ഉപയോഗിക്കുന്ന ഇരുചക്രവാഹനങ്ങള്‍ പിടിക്കൂടി.പൂക്കോട്ടുംപാടം പൊലിസ് എസ്.ഐ അമൃത് രംഗന്റെ നേതൃത്വത്തിലുള്ള പൊലിസ് സംഘം പലയിടങ്ങളില്‍ നിന്നായി 8 വാഹനങ്ങള്‍ പിടിച്ചെടുത്തത്. നമ്പര്‍ പ്ലേറ്റിലെ നമ്പറിനു മുകളില്‍ വിവിധ സ്റ്റിക്കറുകള്‍ ഒട്ടിക്കുകയും,ചിത്രങ്ങള്‍ പതിക്കുകയും നമ്പറുകള്‍ വ്യക്തമല്ലാതെ എഴുതുകയും ചെയ്ത വാഹനങ്ങളാണ് പിടിച്ചെടുത്തത്.
എസ്.പി.യുടെ പ്രത്യേക നിര്‍ദേശ പ്രകാരമാണ് നടപടി. പിടിച്ചെടുത്ത വാഹനങ്ങള്‍ യഥാര്‍ഥ ഉടമയെ കണ്ടെത്തി സ്റ്റേഷനില്‍ വെച്ച് പിഴ അടപ്പി ക്കുകയും ,പുതിയ വ്യക്തമായ നമ്പര്‍പ്ലേറ്റ് വെയ്പ്പിക്കുകയും ചെയ്തശേഷം മാത്രമാണ് വിട്ടു നല്‍കുകയെന്ന് പൊലിസ് അറിയിച്ചു.