കണ്ണൂര്‍: സംസ്ഥാന ഇസ്‌ലാമിക് കലാമേളയിലേക്ക് തെരഞ്ഞെടുക്കപ്പെട്ട കലാപ്രതിഭകളുടെ സര്‍ഗസംഗമവും ജില്ലയിലെ 41 റെയിഞ്ചുകളിലെ തെരഞ്ഞെടുക്കപ്പെട്ട കൗണ്‍സിലര്‍മാരുടെ യോഗവും ഇന്ന് രാവിലെ 11നു വാരം മനാറുല്‍ ഹുദ ഹയര്‍ സെക്കന്‍ഡറി മദ്‌റസയില്‍ നടക്കും. പി.കെ.പി അബ്ദുസലാം മുസ്‌ലിയാര്‍ ഉദ്ഘാടനം ചെയ്യും. മാണിയൂര്‍ അബ്ദുറഹ്മാന്‍ ഫൈസി അധ്യക്ഷനാവും. ജാമിഅ അസ്അദിയ്യ ഫണ്ട് എസ്.കെ ഹംസ ഹാജിയും ബറാഅത്ത് കാംപയിന്‍ ലഘുലേഖ പ്രകാശനം ഡോ. റാഫി എളമ്പാറയും ജില്ലാ കലാമേളയുടെ സി.ഡി പ്രകാശനം പുന്നക്കല്‍ മുഹമ്മദലി ദുബൈയും ജില്ലാ മുഅല്ലിം സെന്റര്‍ കാര്‍ഡ് വിതരണം അബ്ദുല്ലക്കുട്ടി തടിക്കടവും നിര്‍വഹിക്കും. അബ്ദുസമദ് മുട്ടം, ഇബ്രാഹിം ബാഖവി പൊന്ന്യം, ബഷീര്‍ അസ്അദി, ഷരീഫ് ബാഖവി, അഫ്‌സല്‍ രാമന്തളി, മുഹമ്മദ് ബ്‌നു ആദം, ഷുക്കൂര്‍ ഫൈസി, ഹബീബ് തങ്ങള്‍, ബഷീര്‍ പുളിങ്ങോം, സലാം പെരുമളാബാദ് സംബന്ധിക്കും.