കോഴിക്കോട്: പി.എം താജ് അനുസ്മരണത്തിന്റെ ഭാഗമായി സംഘടിപ്പിക്കുന്ന സാംസ്‌കാരികോത്സവത്തിന് തുടക്കം കുറിച്ച് താജിന്റെ സുഹൃത്തുക്കളും നാടകപ്രവര്‍ത്തകരും ഒത്തുചേര്‍ന്നു. താജുമൊത്തുള്ള ഓര്‍മകള്‍ പങ്കുവച്ച സംഗമം നാടക-സിനിമാ നടന്‍ മുഹമ്മദ് പേരാമ്പ്ര ഉദ്ഘാടനം ചെയ്തു. കെ.ആര്‍ മോഹന്‍ദാസ് അധ്യക്ഷനായി.
പുരുഷന്‍ കടലുണ്ടി എം.എല്‍.എ, വില്‍സന്‍ സാമുവേല്‍, ടി. സുരേഷ്ബാബു, എ. രത്‌നാകരന്‍, കോയ മുഹമ്മദ് പ്രസംഗിച്ചു. സാംസ്‌കാരികോത്സവത്തിന്റെ ഭാഗമായി ഇന്ന് ഉച്ചയ്ക്ക് ശേഷം മൂന്നിന് ആനക്കുളം സാംസ്‌കാരിക നിലയത്തില്‍ താജിന്റെ രാവുണ്ണി നാടകത്തിന്റെ വായനയും ചിത്രകലാപ്രതിഭകളുടെ ചിത്രീകരണവും നടക്കും.