ബാങ്കോക്ക്: തായ്‌ലന്‍ഡില്‍ ബുദ്ധക്ഷേത്രത്തിലേക്കു തൊഴിലാളികളുമായി പോവുകയായിരുന്ന ബസില്‍ ട്രെയിനിടിച്ച് 20 പേര്‍ മരിച്ചു. 30 പേര്‍ക്കു പരുക്കേറ്റു. ഇന്നലെ പുലര്‍ച്ച എട്ടുമണിക്കാണ് സംഭവം.
ബാങ്കോക്കില്‍ നിന്ന് 63 കി.മീ അകലെയുള്ള ചാകോങ്‌സാവോയില്‍ റെയില്‍വേ ട്രാക്ക് മുറിച്ചുകടക്കുന്നതിനിടെയാണ് ബസ് അപകടത്തില്‍ പെട്ടത്. 60 ഫാക്ടറി തൊഴിലാളികളാണ് ബസിലുണ്ടായിരുന്നതെന്ന് അധികൃതര്‍ പറഞ്ഞു.