ഇരിട്ടി:യുനൈറ്റഡ് ചാരിറ്റബിള്‍ സൊസൈറ്റിയുടെ നേതൃത്വത്തില്‍ നടന്ന പഴയപാലം പ്രീമിയര്‍ ലീഗ് ക്രിക്കറ്റ് ടൂര്‍ണമെന്റില്‍ തുടര്‍ച്ചയായ മൂന്നാം തവണയും ഡെയ്ഞ്ചര്‍ ബോയ്‌സ് ഇരിട്ടി ജേതാക്കളായി. കണ്ണൂര്‍, കാസര്‍കോട് ജില്ലകളിലെ പ്രമുഖ ടീമുകള്‍ പങ്കെടുത്ത ടൂര്‍ണമെന്റില്‍ ഫൈനലില്‍ ടീം മമ്പറത്തെയാണ് ഡെയ്ഞ്ചര്‍ ബോയ്‌സ് തോല്‍പ്പിച്ചത്.
സമാപന സമ്മേളനം മണിയന്‍പിള്ള അബൂട്ടി ഹാജി ഉദ്ഘാടനം ചെയ്തു. അബ്ദുറഹ്മാന്‍ ചാല അധ്യക്ഷനായി. ഇബ്രാഹിം മുണ്ടേരി, ജില്ല പഞ്ചായത്ത് അംഗം തോമസ് വര്‍ഗീസ്, ഇരിട്ടി നഗരസഭ സ്ഥിരസമിതി അധ്യക്ഷരായ പി.പി.ഉസ്മാന്‍, സി. മുഹമ്മദലി, പി. രഘു, പി.വി ഷാഹിദ്, ടി.ഖാലിദ് സംസാരിച്ചു. വിജയികള്‍ക്കുള്ള കാഷ് അവാര്‍ഡും ട്രോഫിയും മണിയന്‍ പിള്ള അബൂട്ടി ഹാജി വിതരണം ചെയ്തു.