വണ്ണപ്പുറം: മനുഷ്യ ജീവിതത്തില്‍ ആത്മീയ ഉന്നതിയാണ് വിജയത്തിന് വഴിയൊരുക്കുന്നതെന്ന് ജംഇയത്തുല്‍ ഖുത്വബാഅ് സംസ്ഥാന ഉപാധ്യക്ഷന്‍ സെയ്യിദ് ഇമ്പച്ചിക്കോയ തങ്ങള്‍ കൊടക്കാട്. വണ്ണപ്പുറം മജ്‌ലിസുന്നൂര്‍ ഒന്നാം വാര്‍ഷിക പരിപാടിയില്‍ നേതൃത്വം നല്‍കി സംസാരിക്കുകയായിരുന്നു അദ്ദേഹം.
ടൗണ്‍ ജുമാ മസ്ജിദ് ചീഫ് ഇമാം മുഹമ്മദ് സ്വാലിഹ് അന്‍വരി ഉദ്‌ബോധന പ്രഭാഷണം നിര്‍വഹിച്ചു. കെ.ഇ മുഹമ്മദ് മുസ്‌ലിയാര്‍, അബ്ദുല്‍ കബീര്‍ റഷാദി, ഷാജഹാന്‍ മൗലവി, ഹനീഫ് കാശിഫി, ഇസ്മാഈല്‍ മൗലവി പാലമല,അബ്ദുറഹ്മാന്‍ സഅ്ദി, അഷ്‌റഫ് അഷ്‌റഫി, അബ്ദുല്‍ മന്നാന്‍ സഖാഫി, ഹാരിസ് ബാഖവി, അബ്ദുല്‍ കരീം മൗലവി പങ്കെടുത്തു.