പാലക്കാട്: കെ.എസ്.ഇ.ബി ഓഫിസേഴ്‌സ് അസോസിയേഷന്‍ 20-ാം സംസ്ഥാന സമ്മേളനം നാളെ മുതല്‍ 13 വരെ സൂര്യരശ്മി കണ്‍വന്‍ഷന്‍ സെന്ററില്‍ നടക്കുമെന്ന് സംസ്ഥാനപ്രസിഡന്റ് ജെ.സത്യരാജന്‍ വാര്‍ത്താസമ്മേളനത്തില്‍ അറിയിച്ചു. ആദ്യദിനത്തില്‍ കോട്ടമൈതാനത്ത് നടക്കുന്ന പൊതുസമ്മേളനം സി.ഐ.ടി.യു സംസ്ഥാന സെക്രട്ടറി കെ. ചന്ദ്രന്‍പിള്ള ഉദ്ഘാടനം ചെയ്യും.
രണ്ടാം ദിനത്തില്‍ രാവിലെ പത്ത് മുതല്‍ മൂന്ന് വരെ നടക്കുന്ന വനിതാസമ്മേളനം ഉദ്ഘാടനം സി.ഐ.ടി.യു അഖിലേന്ത്യ വൈസ് പ്രസിഡന്റ് മാലതി ചിട്ടി ബാബു നിര്‍വഹിക്കും. മൂന്നാം ദിനത്തിലെ സമ്മേളനംരാവിലെ പത്തിന് വൈദ്യുതി വകുപ്പ് മന്ത്രി എം.എം മണി ഉദ്ഘാടനം ചെയ്യും. ഊര്‍ജ കേരള അവാര്‍ഡ്കരസ്ഥമാക്കിയ സുപ്രഭാതം ഇടുക്കി ബ്യൂറോ ചീഫ് ബാസിത് ഹസന് മന്ത്രി സമ്മാനദാനം നിര്‍വഹിക്കും. പി.വി. ലതീഷ്, പ്രസാദ് മാത്യു, ജെ. മുഹമ്മദ് സിയാദ് എന്നിവരും വാര്‍ത്താസമ്മേളനത്തില്‍ പങ്കെടുത്തു.