ഡൊമിനിക്ക: പാകിസ്താനെതിരായ മൂന്നാം ക്രിക്കറ്റ് ടെസ്റ്റില്‍ വെസ്റ്റിന്‍ഡീസ് പൊരുതുന്നു. പാകിസ്താന്റെ ആദ്യ ഇന്നിങ്‌സ് 376 റണ്‍സില്‍ അവസാനിച്ചു. ഒന്നാം ഇന്നിങ്‌സ് തുടങ്ങിയ വിന്‍ഡീസ് മൂന്നാം ദിനം ഒടുവില്‍ വിവരം കിട്ടുമ്പോള്‍ മൂന്ന് വിക്കറ്റ് നഷ്ടത്തില്‍ 103 റണ്‍സെന്ന നിലയില്‍. ഏഴ് വിക്കറ്റുകള്‍ കൈയിലിരിക്കേ അവര്‍ക്ക് 273 റണ്‍സ് കൂടി വേണം പാക് സ്‌കോറിനൊപ്പമെത്താന്‍. ഹോപ് (15), ചെയ്‌സ് (ആറ്) എന്നിവര്‍ ക്രീസില്‍.
നേരത്തെ അസ്ഹര്‍ അലി (127), ബാബര്‍ അസം (55), മിസ്ബ ഉള്‍ ഹഖ് (59), സര്‍ഫ്രാസ് അഹമദ് (51) എന്നിവരുടെ ബാറ്റിങാണ് പാകിസ്താന് മികച്ച സ്‌കോര്‍ സമ്മാനിച്ചത്. വിന്‍ഡീസിനായി ചെയ്‌സ് നാലും ഹോള്‍ഡര്‍ മൂന്നും വിക്കറ്റുകള്‍ വീഴ്ത്തി.