വട്ടിയൂര്‍ക്കാവ്: നിയമസഭയില്‍പ്പോലും പരസ്പരവിരുദ്ധമായ കാര്യങ്ങള്‍ വിളിച്ചുപറയുന്ന മുഖ്യമന്ത്രി പിണറായി വിജയന്‍ ഒരു മനശാസ്ത്ര ഉപദേശകനെ നിയമിച്ച് അദ്ദേഹത്തിന്റെ സേവനം പ്രയോജനപ്പെടുത്തണമെന്നു കെ.പി.സി.സി ജനറല്‍ സെക്രട്ടറി ബെന്നി ബെഹനാന്‍. വട്ടിയൂര്‍ക്കാവ് ജങ്ഷനില്‍ ചേര്‍ന്ന രാഷ്ട്രീയ വിശദീകരണയോഗം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
സകലമേഖലയിലും പരാജയപ്പെട്ട സര്‍ക്കാരാണ് ഇന്നു കേരളത്തില്‍ നിലവിലിരിക്കുന്നത്. പീഡനക്കേസുകളിലെ പ്രതികള്‍ സൈ്വര്യവിഹാരം നടത്തുന്നു. കഴിഞ്ഞസര്‍ക്കാര്‍ ചെയ്ത വികസനപദ്ധതികള്‍ ഉദ്ഘാടനം ചെയ്യുകയാണ് മന്ത്രിമാരുടെ ഇപ്പോഴത്തെ ജോലിയെന്നും അദ്ദേഹം പറഞ്ഞു. ബ്ലോക്ക് പ്രസിഡന്റ് എസ്. നാരായണപിള്ള അദ്ധ്യക്ഷനായി. ഡി.സി.സി പ്രസിഡന്റ് നെയ്യാറ്റിന്‍കര സനല്‍, എ.ഐ.സി.സി അംഗം കാവല്ലൂര്‍ മധു, ടി. ഗണേശപിള്ള, വട്ടിയൂര്‍ക്കാവ് ചന്ദ്രശേഖരന്‍, കൊടുങ്ങാനൂര്‍ ഹനീഫ, ഗിരിധര ഗോപന്‍, കാച്ചാണി സനില്‍, മേഴ്‌സി ജോണ്‍, ശ്രീകല, ഗ്രേസി പങ്കെടുത്തു.