കയ്പമംഗലം: കയ്പമംഗലം ഗ്രാമദീപം വായനശാലയും കേരള ശാസ്ത്ര സാഹിത്യ പരിഷത്ത് കയ്പമംഗലം യൂനിറ്റും സംയുക്തമായി  സംഘടിപ്പിച്ച മധ്യവേനല്‍ ബാലോത്സവം സമാപിച്ചു.
രണ്ടു ദിവസങ്ങളിലായി ഗ്രാമദീപം വായനശാലയില്‍  നടന്ന പരിപാടി ജില്ലാ പഞ്ചായത്തംഗം  ശോഭാ സുബിന്‍ ഉദ്ഘാടനം ചെയ്തു. കയ്പമംഗലം ഗ്രാമ പഞ്ചായത്ത് പ്രസിഡന്റ് ടി.വി സുരേഷ് ബാബു അധ്യക്ഷനായി.
വായനശാല പ്രസിഡന്റ് കെ.കെ വാസുദേവന്‍, സെക്രട്ടറി പി.എന്‍ ദേവി പ്രസാദ്, വാര്‍ഡ് മെമ്പര്‍ പി.എം ഷെജീര്‍, ശാസ്ത്ര സാഹിത്യ പരിഷത്ത് മതിലകം മേഖലാ സെക്രട്ടറി കെ.എ ബൈജു സംസാരിച്ചു.
രണ്ടു ദിവസമായി നടന്ന പരിപാടിയില്‍ 100 കുട്ടികള്‍ പങ്കെടുത്തു. വിവിധ സെഷനുകളിലായി പുത്തന്‍ചിറ ഗവ.ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ കെ.കെ. ഹരീഷ് കുമാര്‍, മതിലകം ബി.ആര്‍.സിയിലെ ബി.പി.ഒ ടി.എസ് സജീവന്‍, ശാസ്ത്ര സാഹിത്യ പരിഷത്ത് ജില്ലാ പ്രവര്‍ത്തക കെ.ആര്‍ സജിത,ശാസ്ത്ര സാഹിത്യ പരിഷത്ത് ജില്ലാ ജോ. സെക്രട്ടറി ടി.എ ഷിഹാബുദ്ദീന്‍, മതിലകം, മുല്ലശ്ശേരി ബി.ആര്‍.സികളിലെ ക്രാഫ്റ്റ് അധ്യാപികമാരായ  ഇ.കെ സീന, ബിന്‍സി,അശോകന്‍ കളരിയ്ക്കല്‍ എന്നിവര്‍ ക്ലാസെടുത്തു. സമാപന സമ്മേളനം സി.എ നസീര്‍ ഉദ്ഘാടനം ചെയ്തു. പങ്കെടുത്ത എല്ലാ കുട്ടികള്‍ക്കും പുസ്തകങ്ങള്‍ സമ്മാനമായി നല്‍കി. സമ്മാനദാനം  ശാസ്ത്ര സാഹിത്യ പരിഷത്ത് സംസ്ഥാന സമിതി അംഗം കെ.പി രവി പ്രകാശ് നിര്‍വഹിച്ചു.
വായനശാലാ പ്രസിഡന്റ് കെ.കെ വാസുദേവന്‍, സെക്രട്ടറി പി.എന്‍ ദേവി പ്രസാദ്, കെ.ആര്‍ രാമകൃഷ്ണന്‍ മാസ്റ്റര്‍, എം.ഡി സന്തോഷ് മാസ്റ്റര്‍, വായനശാലാ വനിത വേദി പ്രവര്‍ത്തക ഷാലിമ സംസാരിച്ചു.