കൊച്ചി: കേന്ദ്ര ശാസ്ത്ര സാങ്കേതിക വകുപ്പ്, കൊച്ചി സര്‍വകലാശാലക്കനുവദിച്ച വ്യവസായ സംരംഭകത്വ കേന്ദ്രത്തില്‍ എന്‍ജിനീയര്‍ ബിരുദധാരികള്‍ക്കായി പ്രോഡക്ട് ഡിസൈനിങ്ങില്‍ ആറു മാസം ദൈര്‍ഘ്യമുള്ള സര്‍ട്ടിഫിക്കറ്റ് കോഴ്‌സ് ആരംഭിക്കുന്നു. ഒരു ബാച്ചില്‍ 30 പേര്‍ക്കാണ് അവസരം. രാവിലെ ഒന്‍പതുമുതല്‍ അഞ്ചു വരെ ആയിരിക്കും ക്ലാസുകള്‍. എന്‍ജിനീയര്‍മാരില്‍ വ്യവസായ സംരംഭക അഭിരുചി വളര്‍ത്താനുതകുന്നതാണ് കോഴ്‌സ്. ബി.ഇബി.ടെക്, അവസാന വര്‍ഷ എന്‍ജിനീയറിങ് വിദ്യാര്‍ഥികള്‍ക്കും അപേക്ഷിക്കാം.
അപേക്ഷാ ഫോം www.cusat.ac.in വെബ്‌സൈറ്റില്‍നിന്ന് ലഭിക്കും.