HOME
DETAILS

മുക്കം നഗരസഭയ്ക്ക് 37 കോടി രൂപയുടെ വികസന പദ്ധതി

  
backup
July 25 2016 | 21:07 PM

%e0%b4%ae%e0%b5%81%e0%b4%95%e0%b5%8d%e0%b4%95%e0%b4%82-%e0%b4%a8%e0%b4%97%e0%b4%b0%e0%b4%b8%e0%b4%ad%e0%b4%af%e0%b5%8d%e0%b4%95%e0%b5%8d%e0%b4%95%e0%b5%8d-37-%e0%b4%95%e0%b5%8b%e0%b4%9f%e0%b4%bf

മുക്കം:മുക്കം നഗരസഭയ്ക്ക് 37 കോടി രൂപയുടെ പദ്ധതി. ടൗണ്‍ സൗന്ദര്യവല്‍ക്കരണം നഗരസഭ ഓഫിസിന് സ്ഥലമെടുക്കല്‍, മാര്‍ക്കറ്റിന് സ്ഥലമെടുക്കല്‍ തുടങ്ങിയവ ഉള്‍പ്പെടുത്തിയുള്ള പദ്ധതികള്‍ക്കാണ് വികസന സെമിനാര്‍ അംഗീകാരം നല്‍കിയത്. കാര്‍ഷിക മേഖലയുടെപോഷണം,ജൈവ പച്ചക്കറി കൃഷി, കുറ്റികുരുമുളക്, ഇടവിളകൃഷി, തെങ്ങുകൃഷി എന്നിവയുടെ പ്രോത്സാഹനം, തെരുവുവിളക്ക് വഴിവിളക്ക് പദ്ധതി, എല്‍.ഇ. ഡി ബള്‍ബ് നിര്‍മാണ യൂനിറ്റ്, മുഴുവന്‍ പട്ടികജാതി വീടുകള്‍ക്കും എല്‍.ഇ.ഡി ബള്‍ബ് വിതരണം എന്നിവയും പദ്ധതിയില്‍ പെടുത്തിയിട്ടുണ്ട്.
ഇവയ്‌ക്കെല്ലാം പുറമെ വനിതകള്‍ക്ക് ഓട്ടോറിക്ഷ, ക്രെഡിറ്റ് ലിങ്ക് ഡ് സബ്‌സിഡി സ്‌കീമില്‍ ഉള്‍പ്പെടുത്തി 18 കോടിയുടെ 300 ഭവനങ്ങള്‍ക്ക് ധനസഹായം അനുവദിക്കലും നടപ്പാക്കും
സ്വഛ് ഭാരത് പദ്ധതിയിലുള്‍പ്പെടുത്തി എല്ലാ വീടുകളിലും കക്കൂസ് നിര്‍മിക്കല്‍, ഗ്രാമീണ റോഡുകള്‍ക്ക് മൂന്നു കോടി രൂപ, അങ്കണവാടികള്‍ക്ക് കെട്ടിടം, സമഗ്ര കുടിവെള്ള പദ്ധതി, വിദ്യാഭ്യാസമേഖലയില്‍ 50 ലക്ഷം രൂപയുടെ പദ്ധതി, പ്രൊഫഷനല്‍ കോഴ്‌സ് വിദ്യാര്‍ഥികള്‍ക്ക് ലാപ്‌ടോപ്പ് നല്‍കല്‍, ഖരമാലിന്യ സംസ്‌കരണം, ജൈവ മാലിന്യ സംസ്‌കരണം, ആരോഗ്യ സംരക്ഷണ ശുചിത്വ പരിപാലന പരിപാടികള്‍ക്ക് തുക അനുവദിക്കല്‍ എന്നിവയെല്ലാം ഉള്‍പ്പെടുന്ന പദ്ധതികളാണ് നിര്‍ദേശിക്കപ്പെട്ടത്.
ഇ. എം. എസ് സ്മാരക ഹാളില്‍ നടന്ന വികസന സെമിനാര്‍ നഗരസഭാചെയര്‍മാന്‍ വി.കുഞ്ഞന്‍ മാസ്റ്റര്‍ ഉദ്ഘാടനം ചെയ്തു. ഡപ്യൂട്ടി ചെയര്‍പേഴ്‌സണ്‍ ഫരീദമോയിന്‍കുട്ടി അധ്യക്ഷതവഹിച്ചു. വികസന സ്റ്റാന്റിങ് കമ്മിറ്റി ചെയര്‍മാന്‍ കെ.ടി ശ്രീധരന്‍ പദ്ധതി അവതരിപ്പിച്ചു.
കരടു പദ്ധതി രേഖ എ. കല്യാണിക്കുട്ടിക്കു നല്‍കി വി. കുഞ്ഞന്‍ മാസ്റ്റര്‍ പ്രകാശനം ചെയ്തു.സ്റ്റാന്റിങ് കമ്മിറ്റി ചെയര്‍മാന്‍മാരായ എന്‍.ചന്ദ്രന്‍ മാസ്റ്റര്‍, പി.പ്രശോഭ് കുമാര്‍, സാലി സിബി, വി.ലീല, കൗണ്‍സിലര്‍മാരായ ജസി രാജന്‍, പി.കെ മുഹമ്മദ്, ടി.ടി സുലൈമാന്‍, രജിത കുപ്പോട്ട്, ഷഫീഖ് മാടായി സംസാരിച്ചു.സെക്രട്ടറി കെ.ഗിരീഷ് കുമാര്‍ സ്വാഗതവും കൗണ്‍സിലര്‍ മുക്കം വിജയന്‍ നന്ദിയും പറഞ്ഞു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."