നരിക്കുനി: എരവന്നൂര്‍ എ. യു. പി സ്‌കൂളില്‍ പച്ചക്കറി കൃഷിക്ക് തുടക്കമായി. വിദ്യാര്‍ഥികളും അധ്യാപകരും ചേര്‍ന്ന് പ്രാദേശിക പ്രമുഖരുടെ സഹകരണത്തോടെയാണ് സ്‌കൂളിന് സമീപത്തെ ഒരു ഏക്കര്‍ സ്ഥലത്ത് കൃഷി തുടങ്ങിയത്.
സ്‌കൂളില്‍ തയാറാക്കുന്ന ഉച്ചഭക്ഷണത്തിനാവശ്യമായ പച്ചക്കറികള്‍ ശേഖരിക്കുകയാണ് കൃഷിയിലൂടെ ലക്ഷ്യമിടുന്നത്. മുന്‍ കൃഷി ഓഫിസറും വാര്‍ഡ് മെമ്പറുമായ പി. ശ്രീധരന്‍ ഉദ്ഘാടനം ചെയ്തു. മടവൂര്‍ കൃഷി ഓഫിസര്‍ ഷബീര്‍ അഹമ്മദ് മുഖ്യാതിഥിയായിരുന്നു. പി. ടി. എ പ്രസിഡന്റ് പി. സുലൈമാന്‍, എച്ച്. എം. ഇ. എം. ശ്യാമള, അബ്ദുര്‍റഹ്മാന്‍, ഉമ്മര്‍, ശോഭന അമ്മ, ആസിഷ, അന്‍ഷിദ്, സംസാരിച്ചു