HOME
DETAILS

സഊദിവല്‍ക്കരണം; അടച്ചിട്ട കടകള്‍ക്കെതിരേ അന്വേഷണം

  
backup
September 14 2018 | 19:09 PM

%e0%b4%b8%e0%b4%8a%e0%b4%a6%e0%b4%bf%e0%b4%b5%e0%b4%b2%e0%b5%8d%e2%80%8d%e0%b4%95%e0%b5%8d%e0%b4%95%e0%b4%b0%e0%b4%a3%e0%b4%82-%e0%b4%85%e0%b4%9f%e0%b4%9a%e0%b5%8d%e0%b4%9a%e0%b4%bf%e0%b4%9f%e0%b5%8d

 

റിയാദ്: രാജ്യത്ത് ചെറുകിട മേഖലയില്‍ പുതുതായി നടപ്പിലാക്കിയ സഊദിവല്‍ക്കരണം പാലിക്കാന്‍ കഴിയാതെ കടകള്‍ കൂട്ടമായി അടഞ്ഞതോടെ അന്വേഷണവുമായി അധികൃതര്‍ രംഗത്ത്.
റെയ്ഡുകളും ശിക്ഷാ നടപടികളും ഭയന്ന് അടച്ചിട്ട വ്യാപാര സ്ഥാപനങ്ങള്‍ക്കെതിരേ അന്വേഷണം നടത്തുമെന്ന് തൊഴില്‍, സാമൂഹിക വികസന മന്ത്രാലയമാണ് വ്യക്തമാക്കിയത്. തൊഴില്‍, വാണിജ്യ, മുനിസിപ്പല്‍, ആഭ്യന്തര മന്ത്രാലയങ്ങളുടെ പ്രതിനിധികളടങ്ങിയ പ്രത്യേക സംഘങ്ങള്‍ വിവിധ പ്രവിശ്യകളിലും പ്രധാന നഗരങ്ങളിലും നടത്തിയ പരിശോധനകളില്‍ നിരവധി വ്യാപാര സ്ഥാപനങ്ങള്‍ അടച്ചിട്ടതായി കണ്ടെത്തിയതിനെ തുടര്‍ന്നാണ് നടപടി.
വിദേശികള്‍ നടത്തിവന്നിരുന്ന നിരവധി കടകളാണ് സഊദിവല്‍ക്കരണ തോത് പാലിക്കാന്‍ കഴിയാതെ വന്നതോടെ അടച്ചു പരിശോധനകളില്‍നിന്നു രക്ഷപ്പെട്ടത്. പുതിയ മേഖലകളില്‍ ഇക്കഴിഞ്ഞ ചൊവ്വാഴ്ചയാണ് സഊദിവല്‍ക്കരണം നടപ്പിലാക്കിയത്. ഇതേ തുടര്‍ന്ന് വിദേശികള്‍ കൈയാളുന്ന വിവിധ നഗരങ്ങളിലെ വാണിജ്യ കേന്ദ്രങ്ങള്‍ പൂര്‍ണമായും അടഞ്ഞുകിടക്കുകയാണ്.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."