പള്ളുരുത്തി: യുവതിയുടെ ഫോണിലേക്കു നിരന്തരം അശ്ലീല സന്ദേശങ്ങള്‍ അയച്ച് ശല്യം ചെയ്ത യുവാവിനെതിരേ ഹാര്‍ബര്‍ പൊലിസ് കേസെടുത്തു. കോട്ടയം പൂഞ്ഞാര്‍ കല്ലടിയില്‍  സുബിന്‍ സുകുമാര
(29)നെതിരെയാണ് യുവതിയുടെ പരാതിയില്‍ കേസെടുത്തത്. ഐലന്റിലെ ഒരു ഹോട്ടലിലെ ജീവനക്കാരിയാണ് യുവതി. ഇതേ സ്ഥാപനത്തില്‍ ട്രെയിനിയായി വന്ന സുബിന്‍ യുവതിയെ നിരന്തരം
ശല്യം ചെയ്തു വരികയായിരുന്നുവെന്ന് പൊലിസ് പറഞ്ഞു. ഒരു തവണ യുവതിയുടെ പരാതിയില്‍ ഇയാളെ പൊലിസ് താക്കീത് ചെയ്ത് വിട്ടിരുന്നു. യുവതിയുടെ ഫോണിലേക്ക് വീണ്ടുംനിരന്തരം അശ്ലീല സന്ദേശം വന്നതിനെത്തുടര്‍ന്നാണ് ഇവര്‍ പരാതി നല്‍കിയത്. യുവാവ് ഒളിവിലാണ്.