കൊച്ചി: മകനോടൊത്ത് കഴിഞ്ഞിരുന്ന വയോധികയായ ഡോക്ടറെ വീടിനുള്ളില്‍ മരിച്ച നിലയില്‍ കണ്ടെത്തി. ഒരു മാസം മുമ്പെങ്കിലും മരിച്ചിട്ടുണ്ടാകാമെന്നാണ് സംശയം.

കലൂര്‍ ആസാദ് റോഡില്‍ അന്നപൂര്‍ണ വീട്ടില്‍ പരേതനായ ഡോ. മാണിയുടെ ഭാര്യ ഡോ. അന്ന മാണി(91)നെയാണ് മരിച്ച നിലയില്‍ കണ്ടെത്തിയത്. മാനസികാസ്വസ്ഥ്യമുള്ള മകനൊപ്പമാണ് ഇവര്‍ താമസിച്ചിരുന്നത്. വെള്ളിയാഴ്ച പാലിയേറ്റീവ് കെയര്‍ പ്രവര്‍ത്തകര്‍ വീട്ടില്‍ എത്തിയപ്പോഴാണ് സംഭവം പുറത്തറിയുന്നത്.

അയല്‍ക്കാരുമായും ബന്ധുക്കളുമായുമൊന്നും ഇവര്‍ അടുപ്പം പുലര്‍ത്തിയിരുന്നില്ല. മകന്‍ ഇവരെ അതിനനുവദിച്ചിരുന്നില്ല എന്നാണ് സമീപവാസികള്‍ പറയുന്നത്. ബന്ധുക്കളെ വീട്ടില്‍ കയറ്റാനും മകന്‍ അനുവദിച്ചിരുന്നില്ലെത്രെ. ഇന്‍ക്വസ്റ്റ് പൂര്‍ത്തിയാക്കി മൃതദേഹം ജനറല്‍ ആശുപത്രിയിലേക്ക് മാറ്റി.