മുക്കം: ജല സംരക്ഷണം കാലഘട്ടത്തിന്റെ ആവശ്യമാണന്ന് ഡോ. എം.എന്‍ കാരശ്ശേരി. യൂത്ത് ലീഗ് ജല സംരക്ഷണ കാംപയിനിന്റെ ഭാഗമായി സംഘടിപ്പിച്ച തിരുവമ്പാടി നിയോജക മണ്ഡലം ജലസഭ കാരശ്ശേരി ചോണാട് കടവില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വരള്‍ച്ച രൂക്ഷമായ പുതിയ കാലത്ത് സമൂഹം ജലവിനിയോഗം കരുതലോടെ നടത്തണമെന്നും യൂത്ത് ലീഗ് കാംപയിന്‍ മറ്റു യുവജന പ്രസ്ഥാനങ്ങള്‍ക്ക് മാതൃകയാണെന്നും അദ്ദേഹം കൂട്ടി ചേര്‍ത്തു.
കെ.പി സുനീര്‍ അദ്ധ്യക്ഷനായി. സലാം തേക്കുംകുറ്റി വാട്ടര്‍ മാനിഫെസ്‌റ്റോയും എം.ടി സൈദ് ഫസല്‍ ജല ബജറ്റും അവതരിപ്പിച്ചു. പി.ജി മുഹമ്മദ്, സി.കെ കാസിം ,കെ.വി അബ്ദുറഹിമാന്‍ ,ഇ.പി ബാബു, വി.എ റഷീദ് മാസ്റ്റര്‍, വി.പി.എ ജലീല്‍ ,റാഫി മുണ്ടുപാറ, സുഹറ കരുവോട്ട്, കെ.കോയ, നിസാം കാരശ്ശേരി, നാസര്‍ തേക്കുംതോട്ടം, എം.എ ബഷീര്‍, എം.ടി മുഹ്‌സിന്‍, ഗസീബ് ചാലൂളി, ഷംസീര്‍ പോത്താറ്റില്‍, ഷിയാസ് ഇല്ലിക്കല്‍, കെ.ടി ഷബീര്‍, ഷരീഫ് വെണ്ണക്കോട് സംസാരിച്ചു.