ദമസ്‌കസ്: സിറിയയുടെ വടക്കുപടിഞ്ഞാറന്‍ മേഖലയിലെ വിമതര്‍ക്കെതിരേ സൈന്യം നടത്തിയ ബോംബാക്രമണത്തില്‍ നാല് കുട്ടികളുള്‍പ്പെടെ ഏഴ് പേര്‍ മരിച്ചു. 17 പേര്‍ക്ക് പരുക്കേറ്റു. വിമത കേന്ദ്രമായ ഇദ്‌ലിബ് നഗരത്തെയും വടക്കും തെക്കുമുള്ള രണ്ട് നഗരങ്ങളെയും ലക്ഷ്യം വച്ചായിരുന്നു ആക്രമണമെന്ന് സിറിയന്‍ സിവില്‍ ഡിഫിന്‍സ് അറിയിച്ചു.

ഇദ്‌ലിബ് നഗരത്തില്‍ ആഴ്ചതോറും നടക്കുന്ന ചന്തക്ക് സമീപം ഷെല്‍ പതിച്ചാണ് ഒരു കുട്ടി മരിച്ചത്. ഇദ്‌ലിബിലെയും പരിസര പ്രദേശങ്ങളിലെയും ബോംബാക്രമണത്തില്‍ 17് പേര്‍ക്ക് പരുക്കേറ്റതായി വൈറ്റ് ഹെല്‍മെറ്റ് എന്നറിയപ്പെടുന്ന സന്നദ്ധ രക്ഷാ വിഭാഗം വക്താവ് അഹ്മദ് ശൈഖോ വ്യക്തമാക്കി.