കൊച്ചി: ലൈഫ് മിഷന്‍ അഴിമതി കേസുമായി ബന്ധപ്പെട്ട് എന്‍ഫോഴ്‌സ്‌മെന്റ് ഡയരക്ടറേറ്റ് ചോദ്യം ചെയ്യലിനായി വിളിപ്പിച്ച പൊന്നാര്‍ ഇന്‍ഡസ്ട്രീസ് എംഡി ആദിത്യ നാരായണ റാവു ഇന്ന് ഹാജരാകില്ല.തനിക്ക് പനിയാണെന്നും അതുകൊണ്ട് കൊവിഡ് പരിശോധന ഫലം കാത്തിരിക്കുകയാണെന്നും അതിനാല്‍ ചോദ്യം ചെയ്യലിന് എത്തില്ലെന്നും ആദിത്യനാരായണറാവു ഇഡിയെ അറിയിച്ചു.

ഇന്ന് ഹാജരാകേണ്ടിയിരുന്ന മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി സി എം രവീന്ദ്രനും കൊവിഡ് സ്ഥിരീകരിച്ചതിനെ തുടര്‍ന്ന് ചോദ്യം ചെയ്യലിന് ഹാജരാകില്ല. സി എം രവീന്ദ്രനേയും ലൈഫ് മിഷന്‍ കരാറുലഭിച്ച ഹൈദരാബാദിലെ പൊന്നാര്‍ ഇന്‍ഡസ്ട്രീസ് എം ഡി ആദിത്യ നാരായണ റാവുവിനേയും ശിവശങ്കറിന്റെ സാന്നിധ്യത്തില്‍ ചോദ്യം ചെയ്യാനായിരുന്നു ഇഡി തീരുമാനം.