തിരുവനന്തപുരം: കര്‍ണാടകയില്‍നിന്ന് കളിമണ്ണുമായി വരുന്ന വാഹനങ്ങളുടെ പരിശോധന ഒഴിവാക്കാന്‍ ജിയോളജി, പൊലിസ്, വാഹന വകുപ്പുകള്‍ക്ക് നിര്‍ദേശം നല്‍കുമെന്ന് മുഖ്യമന്ത്രി നിയമസഭയെ അറിയിച്ചു. വി.കെ.സി മമ്മദ് കോയയുടെ സബ്മിഷന് മറുപടി പറയുകയായിരുന്നു അദ്ദേഹം.
സംസ്ഥാനത്ത് കളിമണ്‍ വ്യവസായം പ്രതിസന്ധിയിലാണ്. കളിമണ്ണിന്റെയും ഭൂമിയുടെയും ലഭ്യതക്കുറവാണ് കാരണം. മറ്റു സംസ്ഥാനങ്ങളില്‍നിന്ന് കളിമണ്ണ് ലഭിക്കുന്നുമില്ല. നെല്‍വയല്‍, തണ്ണീര്‍ത്തട നിയമവും ദോഷകരമായി. മറ്റു രാജ്യങ്ങളില്‍നിന്ന് കപ്പല്‍ മാര്‍ഗം കളിമണ്ണ് ഇറക്കുമതി ചെയ്യാന്‍ കേന്ദ്ര നിയമവും സംസ്ഥാനം രൂപീകരിച്ച ചട്ടങ്ങളും തടസ്സമാകുന്നുണ്ടെന്നും മുഖ്യമന്ത്രി പറഞ്ഞു.