തിരുവനന്തപുരം: വിദ്യാഭ്യാസ മേഖലയ്ക്ക് നല്‍കിയ സമഗ്രസംഭാവനകള്‍ പരിഗണിച്ചുള്ള കാന്‍ഫെഡ് പുരസ്‌കാരത്തിന് സാക്ഷരതാമിഷന്‍ ഡയരക്ടര്‍ ഡോ.പി.എസ് ശ്രീകല അര്‍ഹയായി.
11,111 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം. സാക്ഷരത തുടര്‍ വിദ്യാഭ്യാസത്തിന് പുത്തന്‍ ഉണര്‍വ് നല്‍കി അനൗപചാരിക വിദ്യാഭ്യാസ മേഖലയ്ക്ക് പുതിയ ദിശാബോധം നല്‍കിയതിനാണ് അവാര്‍ഡെന്ന് കാന്‍ഫെഡ് ചെയര്‍മാന്‍ ബി.എസ് ബാലചന്ദ്രന്‍ അറിയിച്ചു.
ജൂലൈ ഒന്നിന് ശ്രീകാര്യം മരിയറാണി കണ്‍വന്‍ഷന്‍ സെന്ററില്‍ നടക്കുന്ന കാന്‍ഫെഡ് സംസ്ഥാന ക്യാംപില്‍ പുരസ്‌കാരം സമ്മാനിക്കും.