മേപ്പയ്യൂര്‍: ദീര്‍ഘകാലം ഇന്ത്യന്‍ നാഷനല്‍ കോണ്‍ഗ്രസ്സ് മണ്ഡലം പ്രസിഡന്റും അധ്യാപകനുമായിരുന്ന എം.പി.ഭാസ്‌കരന്‍ മാസ്റ്ററുടെ ചരമദിനത്തില്‍ മേപ്പയ്യൂര്‍ ടൗണില്‍ നടന്ന അനുസ്മരണ സമ്മേളനം നടത്തി.
ഡി.സി.സി പ്രസിഡന്റ് ടി.സിദ്ദീഖ് ഉദ്ഘാടനം ചെയ്തു. മദ്യ ഉപഭോഗത്തില്‍ മുന്നില്‍ നില്‍ക്കുന്നു എന്ന് സുപ്രിം കോടതിയില്‍ നിന്നു പോലും പരാമര്‍ശമുണ്ടായ കേരള സംസ്ഥാനത്ത് മദ്യമൊഴുക്കുന്ന നടപടികളുമായാണ് ഇടത് സര്‍ക്കാര്‍ മുന്നോട്ട് പോകുന്നതെന്ന് സിദ്ദീഖ് പറഞ്ഞു.
  മണ്ഡലം പ്രസിഡന്റ് സി.പി നാരായണന്‍ അധ്യക്ഷനായി. ഇ. അശോകന്‍, മുനീര്‍ എരവത്ത്, വി.ബി രാജേഷ്, കെ.പി വേണുഗോപാല്‍, അന്തേരി ഗോപാലകൃഷ്ണന്‍, സത്യന്‍ വിളയാട്ടൂര്‍ സംസാരിച്ചു.  
മികച്ച അധ്യാപകനുള്ള പുരസ്‌കാരം ലഭിച്ച പി.കെ അബ്ദുറഹിമാനേയും എസ്.എസ്.എല്‍.സി പരീക്ഷയില്‍ ഉന്നത വിജയം നേടിയവരെയും ഉപഹാരം നല്‍കി ആദരിച്ചു.