ജമ്മു: മിനിബസ് കൊക്കയിലേക്ക് മറിഞ്ഞ് 11 വിദ്യാര്‍ഥികള്‍ മരിച്ചു. ഇവരില്‍ ഒന്‍പതുപേര്‍ പെണ്‍കുട്ടികളാണ്. സ്വകാര്യ കംപ്യൂട്ടര്‍ സ്ഥാപനത്തില്‍ പഠിക്കുന്ന ഇവര്‍ ടൂറിന് പോയതായിരുന്നു. അപകടത്തില്‍ ഏഴുപേര്‍ക്ക് പരുക്കേറ്റു. പൂഞ്ച് ജില്ലയിലെ മുഗള്‍ റോഡിലെ പീര്‍ കി ഗാലി ചുരത്തിലായിരുന്നു അപകടം. പൂഞ്ച് ജില്ലയെയും രജൗരി ജില്ലയെയും തമ്മില്‍ ബന്ധിപ്പിക്കുന്നതാണ് മുഗള്‍ റോഡ്.