പന്തീരാങ്കാവ്:  റെയ്ഞ്ച് ജംഇയ്യത്തുല്‍ മുഅല്ലിമീന്റെയും മദ്‌റസാ മാനേജ്‌മെന്റ്  അസോസിയേഷന്റെയും സംയുക്താഭിമുഖ്യത്തില്‍ മദ്‌റസാധ്യാപകര്‍ക്ക് റമദാന്‍  കിറ്റ് വിതരണം ചെയ്തു.     പൂളേങ്കര ഹയാത്തുല്‍ ഇസ്ലാം മദ്‌റസയില്‍ നടന്ന ചടങ്ങില്‍  റെയ്ഞ്ച് മാനേജ്‌മെന്റ് പ്രസിഡന്റ് മുഹമ്മദലി മൂര്‍ക്കനാട് അധ്യക്ഷനായി.  എസ്.കെ.ജെ.എം ജില്ലാ ജനറല്‍ സെക്രട്ടറി പി. ഹസൈനാര്‍ ഫൈസി ഉദ്ഘാടനം  ചെയ്തു. റെയ്ഞ്ച് പ്രസിഡന്റ് എ.സി ത്വല്‍ഹത്ത് ബാഖവി, കെ. സൈതലവി ഫൈസി,  ഹുസൈന്‍ ദാരിമി, എ.സി. സിദ്ദീഖ് ഹാജി, സംസാരിച്ചു. കെ.എസ് അലവി സ്വാഗതവും കെ. അബൂബക്കര്‍ ബാഖവി നന്ദിയും പറഞ്ഞു.