കാഞ്ഞങ്ങാട്: സമസ്തയുടെ നേതൃ നിരയിലുള്ളവര്‍ക്ക് ആദരവ് നല്‍കുന്നത് സമസ്തയെന്ന മഹിത   പ്രസ്ഥാനത്തോടുള്ള ആദരവാണെന്നും അത് പ്രസ്ഥാനത്തെ നയിക്കുന്നവര്‍ക്ക് നല്‍കപ്പെടുന്നതല്ലെന്നും  സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ പറഞ്ഞു.
കഴിഞ്ഞ ദിവസം പള്ളിക്കര സംയുക്ത ജമാഅത്ത് നേതൃത്വത്തില്‍ സമസ്ത നേതാക്കള്‍ക്ക് നല്‍കിയ ആദരവ് സമ്മേളനത്തില്‍ സംസാരിക്കുകയായിരുന്നു അദ്ദേഹം. ചടങ്ങ് പള്ളിക്കര സംയുക്ത ജമാഅത്ത് ഖാസി പയ്യക്കി അബ്ദുല്‍ ഖാദര്‍ മുസ്‌ലിയാര്‍ ഉദ്ഘാടനം ചെയ്തു. ചടങ്ങില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍, ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, സെക്രട്ടറി എം.ടി.അബ്ദുല്ല മുസ്‌ലിയാര്‍, സമസ്ത ഇസ്‌ലാം മത  വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍  എന്നിവരെ ആദരിച്ചു.
 സംയുക്ത ജമാഅത്ത് പ്രസിഡന്റ് പി.എ അബൂബക്കര്‍ ഹാജി അധ്യക്ഷനായി.  സമസ്ത ജില്ലാ പ്രസിഡന്റ് ത്വാഖ അഹമ്മദ് അല്‍ അസ്ഹരി, എസ്.വൈ.എസ് സംസ്ഥാന വൈസ് പ്രസിഡന്റ് എം.എ ഖാസിം മുസ്‌ലിയാര്‍ എന്നിവര്‍ അനുമോദന പ്രഭാഷണം  നടത്തി. അഡ്വ.ഹനീഫ് ഹുദവി ദേലമ്പടി മുഖ്യ പ്രഭാഷണം നടത്തി.
എസ്.വൈ.എസ് സംസ്ഥാന ഉപാധ്യക്ഷന്‍ മെട്രോ മുഹമ്മദ് ഹാജി,  കെ.ഇ.എ ബക്കര്‍, ടി.പി കുഞ്ഞബ്ദുല്ല ഹാജി, കെ.എം അബ്ദുല്‍ റഹ്മാന്‍ ഹാജി തൊട്ടി, മൊയ്തു ഹാജി മുക്കൂട്, പി മുഹമ്മദ് കുഞ്ഞി ഹാജി, സോളാര്‍ കുഞ്ഞഹമ്മദ് ഹാജി പരയങ്ങാനം, കെ.എം അഷ്്‌റഫ്,ബി.കെ മുഹമ്മദ്്, എ.കെ അബ്ദുല്ല, മാളികയില്‍ അബ്ബാസ്, ബഷീര്‍ ചെരുമ്പ, ഹാരിസ് മുക്കൂട്, സിദ്ദീഖ് പള്ളിപ്പുഴ, പി.എം അബ്ദുല്‍ ഖാദര്‍ ഹാജി, അബ്ദുല്ല മദനി, കബീര്‍ ഫൈസി ചെറുകോട്, കെ.കെ അബ്ദുല്ല ഹാജി, കെ.എ അബ്ദുല്ല ഹാജി എന്നിവര്‍ ചടങ്ങില്‍ സംബന്ധിച്ചു. സംസ്ഥാന ഇസ്‌ലാമിക്  കലാ മേളയില്‍ കലാ പ്രതിഭയായ സി.വി മുര്‍ഷിദിന് എം.ടി അബ്ദുല്ല മുസ്‌ലിയാര്‍  ഉപഹാരം നല്‍കി.