മാവൂര്‍: എസ്.കെ.എസ്.എസ്.എഫ് മേഖലാ ടീം ഡ്രൈവിന്റെ ജില്ലാതല ഉദ്ഘാടനം വെസ്റ്റ് പാഴൂര്‍ പി.എച്ച്.ഇ.ഡി റൗളത്തുല്‍ ഉലൂം മദ്‌റസയില്‍ നടന്നു. കോഴിക്കോട് ജില്ലാ എസ്.കെ.എസ്.എസ്.എഫ് ജനറല്‍ സെക്രട്ടറി ഒ.പി അഷ്‌റഫ് സംഗമം ഉദ്ഘാടനം ചെയ്തു.
മേഖലാ പ്രസിഡന്റ് അബ്ദുല്‍ കരീം നിസാമി അധ്യക്ഷനായി. ജില്ലാ ട്രെന്‍ഡ് കണ്‍വീനര്‍ സലാം മാസ്റ്റര്‍ മലയമ്മ പദ്ധതി വിശദീകരിച്ചു. 30 ശാഖകളില്‍ നിന്നുള്ള ട്രെന്‍ഡ് സെക്രട്ടറിമാരും ക്ലസ്റ്റര്‍ ട്രെന്‍ഡ് സമിതി അംഗങ്ങളും പങ്കെടുത്തു.
മുഴുവന്‍ യൂനിറ്റുകളിലും ട്രെന്‍ഡ് സൈറ്റ് ബോര്‍ഡ് സ്ഥാപിക്കാനും, ഹൈ സ്‌കൂള്‍ വിദ്യാര്‍ഥികള്‍ക്ക് സക്‌സസ് റൗണ്ട് നടത്താനും, മേഖലാ ട്രെന്‍ഡ് ഇന്‍ഫോ ഡസ്‌ക് മാവൂരില്‍ സ്ഥാപിക്കാനും യോഗം തീരുമാനിച്ചു.
ജഅഫര്‍ പി.സി കരീറ്റിപ്പറമ്പ്, ശാഫി ഫൈസി പൂവാട്ടുപറമ്പ്, അബ്ദുസ്സലാം മാസ്റ്റര്‍ മലയമ്മ, അബ്ദുറഊഫ് മലയമ്മ, അബ്ദുറഊഫ് പാറമ്മല്‍, സയ്യിദ് മുസമ്മില്‍ തങ്ങള്‍, സി.എ ശുകൂര്‍ മാസ്റ്റര്‍ സംസാരിച്ചു. ട്രെന്‍ഡ് സെക്രട്ടറി സൈദ് അലവി ആയംകുളം സ്വാഗതവും കണ്‍വീനര്‍ അസ്ഹറുദ്ദീന്‍ കൂളിമാട് നന്ദിയും പറഞ്ഞു.