മക്ക: ഓരോ വര്‍ഷവും ഹജ്ജ് വേളയില്‍ ഇന്ത്യയിലെ വിവിധ സംസ്ഥാനങ്ങളില്‍ നിന്നുളള പ്രവാസികളായ വളണ്ടിയര്‍മാരുടെ സേവനം പ്രശംസനീയവും അഭിനന്ദനാര്‍ഹവുമാണെന്ന് ജിദ്ദ കോണ്‍സുലര്‍ ജനറല്‍ നൂര്‍ റഹ്മാന്‍ ഷെയ്ഖ് അഭിപ്രായപെട്ടു. ഈ വര്‍ഷത്തെ ഹജ്ജ് കര്‍മ്മത്തിന്റെ മുന്നോടിയായി സേവന പ്രവര്‍ത്തനങ്ങള്‍ വിലയിരുത്താനും സൗകര്യങ്ങള്‍ മെച്ചപെടുത്തുന്നതിനാവശ്യമായ നിര്‍ദ്ദേശങ്ങള്‍ ആരായാനും മക്കയില്‍ വിളിച്ചു ചേര്‍ത്ത വിവിധ സംഘനകളുടെ യോഗത്തില്‍ സംസാരിക്കുകയായിരുന്നു അദ്ദേഹം.

ഹജ്ജ് സേവന രംഗത്ത് പ്രവര്‍ത്തിക്കുന്ന സേവകര്‍ക്ക് ആവശ്യമായ എല്ലാ സഹായ സഹകരണങ്ങളും ഇന്ത്യന്‍ ഹജ്ജ് മിഷന്റെ ഭാഗത്ത് നിന്ന് ലഭ്യമാക്കുമെന്ന് ഹജ്ജിന്റ ചുമതലയുള്ള കോണ്‍സലര്‍ യുംഖൈബാം സാബിര്‍ അറിയിച്ചു. പുണ്യ സ്ഥലങ്ങളില്‍ സേവനം നടത്തുന്ന എസ് ഐ സിക്ക് കീഴിലുള്ള
'വിഖായ'യെ പ്രതി നിധീകരിച്ചു വിഖായ സഊദി ജനറല്‍ കണ്‍വീനര്‍ എം.സി സുബൈര്‍ ഹുദവി, മുനീര്‍ ഫൈസി മാമ്പുഴ മക്ക, എഞ്ചിനീയര്‍ ജാബിര്‍ നാദാപുരം, അന്‍വര്‍ ഹുദവി, അബ്ദുല്‍ റഹ്മാന്‍ അയക്കോടന്‍, ഇര്‍ശാദ് വാഫി, എഞ്ചിനീയര്‍ സിറാജൂദീന്‍, തുടങ്ങിയവര്‍ പങ്കെടുത്തു.