ചെറുതുരുത്തി:  ദാഹജലത്തിന്  വേണ്ടി  കുടത്തില്‍ തലയിടുകയും കഴുത്തില്‍ പ്ലാസ്റ്റിക് കുടം കുടുങ്ങുകയും  ചെയ്ത തെരുവ് നായ വരവൂരില്‍ വേദനിപ്പിയ്ക്കുന്ന കാഴ്ചയായി.
 നാടാകെ ഓടി നടന്ന നായക്ക് കുറച്ച് ദിവസമായി ഭക്ഷണവും വെള്ളവും ഇല്ലാത്ത അവസ്ഥയായിരുന്നു.
കണ്ണ് മൂടപ്പെട്ടതിനാല്‍ നായ പല സ്ഥലത്തും ചെന്ന് ഇടിക്കുകയും, താഴ്ചയിലേക്ക്  മറിയുകയുമൊക്കെ ചെയ്യുന്നതും പതിവായി. ഇതുകണ്ട മസ്താനു ബാപ്പ പള്ളി മഖാം പരിസരത്തെ യുവാക്കള്‍ നായയെ പിടികൂടുകയും കത്തി കൊണ്ട് കുടം മുറിച്ച് മാറ്റുകയായിരുന്നു.