ജനീവ: ഇറാനെ യു.എസ് ആക്രമിക്കുകയാണെങ്കില്‍ അരമണിക്കൂറിനകം ഇസ്‌റാഈലിനെ പൂര്‍ണമായി നശിപ്പിക്കുമെന്ന് മുതിര്‍ന്ന ഇറാന്‍ എം.പിയും ഇറാന്‍ പാര്‍ലമെന്റിന്റെ ദേശീയ സുരക്ഷാ-വിദേശനയ കമ്മിഷന്‍ ചെയര്‍മാനുമായ മുജ്തബ സോല്‍നൂര്‍. ഇറാനെ ആക്രമിക്കാനുള്ള നീക്കം ട്രംപ് പെട്ടെന്നു വേണ്ടെന്നുവച്ചത് വിജയിക്കുമെന്ന് ഉറപ്പില്ലാത്തതിനാലാണ്.
മേഖലയിലെ 36 യു.എസ് സൈനികകേന്ദ്രങ്ങളും ഇറാന്റെ നിരീക്ഷണത്തിലാണെന്നും അദ്ദേഹം വ്യക്തമാക്കി. മുജ്തബയുടെ പ്രസ്താവന ഇസ്‌റാഈലി മാധ്യമങ്ങള്‍ വന്‍ പ്രാധാന്യത്തോടെയാണ് പ്രസിദ്ധീകരിച്ചത്. കഴിഞ്ഞ ദിവസം സിറിയയിലെ ഇറാനിയന്‍ കേന്ദ്രങ്ങള്‍ക്കു നേരെ ഇസ്‌റാഈല്‍ സേന നടത്തിയ വ്യോമാക്രമണത്തില്‍ ഇറാന്‍ സൈനികര്‍ ഉള്‍പ്പെടെ നിരവധി പേര്‍ കൊല്ലപ്പെട്ടിരുന്നു.