കടല്‍സിംഹത്തെ കളിപ്പിച്ച് കളിപ്പിച്ച് കളി ഒടുവില്‍ കാര്യമായി. ബോട്ടുജെട്ടിയുടെ അടുത്തിരുന്ന പെണ്‍കുട്ടിയെ കടല്‍ സിംഹം വലിച്ചു വെള്ളത്തിലിട്ടു. സ്റ്റീവെസ്റ്റണിലാണ് സംഭവം. അപകടം സംഭവിക്കുന്നതിനു മുമ്പ് കുട്ടിയുടെ പിതാവ് വെള്ളത്തിലേക്ക് ചാടിയിറങ്ങി അവളെ രക്ഷിക്കുകയായിരുന്നു.  ഏതായാലും സംഭവത്തിന്റെ വീഡിയോ സോഷ്യല്‍ മീഡിയകളില്‍ വൈറലായി.

കരയില്‍ നിന്ന് അകലയെയായി നീന്തിത്തുടിക്കുന്ന സിംഹത്തെയാണ് ആദ്യം ദൃശ്യങ്ങളില്‍ കാണുന്നത്. കരക്കുള്ളവര്‍ ഭക്ഷണാവശിഷ്ടങ്ങള്‍ നല്‍കി അതിനെ കരയിലേക്ക് ആകര്‍ഷിക്കുകയായിരുന്നു. ഒരു തവണ കടല്‍സിംഹം  ഭക്ഷണം നല്‍കിക്കൊണ്ടിരിക്കുന്നതിനിടെ പെണ്‍കുട്ടിക്കു നേരെ ചാടുന്നുണ്ട്. അന്നേരം അവള്‍ ഒഴിഞ്ഞു മാറി. സിംഹത്തിന്റെ കുസൃതി ആളുകളില്‍ ചിരി പടര്‍ത്തി. എന്നാല്‍ കുട്ടി ബോട്ടുജെട്ടിയുെ വക്കത്തിരുന്നതും നൊടിയിടയില്‍ സിംഹം അവളുടെ വസ്ത്രത്തില്‍ കടിച്ച് വെള്ളത്തിലേക്കിടുകയായിരുന്നു.