മുക്കം: ഡി.വൈ.എഫ്.ഐ പന്നിക്കോട് മേഖലാ കമ്മിറ്റിയും ഐ.ആര്‍.ഇ അസോസിയേഷനും സംയുക്തമായി ജി.കെ.എസ് ഗോതമ്പറോഡിന്റെ സാങ്കേതിക സഹായത്തോടെ സംഘടിപ്പിച്ച സംസ്ഥാന വടംവലി ചാംപ്യന്‍ഷിപ്പില്‍ സുല്‍ത്താന്‍ സെവന്‍സ് കോട്ടക്കല്‍ ജേതാക്കളായി. പന്നിക്കോട് തയാറാക്കിയ ഫ്‌ലഡ് ലൈറ്റ് സ്റ്റേഡിയത്തിലാണ് മത്സരങ്ങള്‍ നടന്നത്. തൃശൂര്‍ ജില്ലയിലെ തെക്കേപുറം ഫസ്റ്റ് ക്ലബ് രണ്ടാംസ്ഥാനവും ഉദയ ക്ലബ് ചുള്ളിക്കല്‍ മൂന്നാം സ്ഥാനവും കോട്ടയം ജില്ലയിലെ ന്യൂ സ്റ്റാര്‍ പൊന്‍കുന്നം നാലാം സ്ഥാനവും നേടി.
 ചാംപ്യന്‍ഷിപ്പിന്റെ ഉദ്ഘാടനം കാരാട്ട് റസാഖ് എം.എല്‍.എ നിര്‍വഹിച്ചു. വി. വസീഫ് അധ്യക്ഷനായി. പഞ്ചായത്ത് പ്രസിഡന്റ് സി.ടി.സി അബ്ദുല്ല, സംസാരിച്ചു.