കൊച്ചി: കൊച്ചിയില്‍ ഡേ കെയറില്‍ കുട്ടിക്കു നേരെ ക്രൂരമര്‍ദനം. ഡേ കെയര്‍ നടത്തിപ്പുകാരിയാണ് കുഞ്ഞിനെ മര്‍ദിച്ചത്.
രക്ഷിതാക്കള്‍ മൊബൈലില്‍ പകര്‍ത്തിയ മര്‍ദനത്തിന്റെ ദൃശ്യങ്ങള്‍ പുറത്തു വന്നതോടെയാണ് സംഭവം പുറം ലോകമറിയുന്നത്.

സംഭവത്തെത്തുടര്‍ന്ന് ഡേ കെയര്‍ നടത്തിപ്പുകാരി മിനിയെ പൊലിസ് കസ്റ്റഡിയിലെടുത്തു.
കൊച്ചി പാലാരിവട്ടത്തെ കളിവീട് എന്ന ഡേ കെയറിലാണ് സംഭവം. രക്ഷിതാക്കളുടെ പരാതിയിലാണ് പൊലിസിന്റെ നടപടി. ചൈല്‍ഡ് ലൈന്‍ പ്രവര്‍ത്തകരും സ്ഥലത്തെത്തി അന്വേഷണം നടത്തുന്നുണ്ട്.

സ്ഥാപന നടത്തിപ്പുകാരി കുട്ടികളെ സ്ഥിരമായി മര്‍ദിക്കാറുണ്ടെന്ന് ഇവിടുത്തെ ജീവനക്കാരി പറഞ്ഞു. സംഭവത്തെത്തുടര്‍ന്ന് രക്ഷിതാക്കള്‍ കടുത്ത പ്രതിഷേധവുമായി രംഗത്തെത്തിയിട്ടുണ്ട്. ഇവിടെ പൊലിസ് പരിശോധന നടത്തുന്നുണ്ട്.

സംഭവത്തില്‍ കുറ്റക്കാര്‍ക്കെതിരേ യാതൊരു വിട്ടുവീഴ്ചയും ചെയ്യില്ലെന്ന് കൊച്ചി കോര്‍പറേഷന്‍ അധികൃതര്‍ വ്യക്തമാക്കി.