പുല്‍പ്പള്ളി: മുള്ളന്‍കൊല്ലി പഞ്ചായത്തിലെ പറുദീസക്കവലയ്ക്ക് സമീപം ജോഷി ആട്ടാംകോട്ടിലിന്റെ കൃഷിയിടത്തില്‍ പലയിടങ്ങളിലായി വിള്ളല്‍ വീണത് പ്രദേശവാസികളെ പരിഭ്രാന്തിയിലാക്കുന്നു.
ജനവാസ കേന്ദ്രത്തോട് ചേര്‍ന്ന സ്ഥലത്താണ് വിള്ളല്‍ രൂപപ്പെട്ടത്.
25 സെന്റോളം സ്ഥലത്താണ് പലയിടങ്ങളിലായി വിള്ളല്‍ രൂപപ്പെട്ട് വെള്ളമൊഴുകുന്നത്. ചെറിയ കുന്നോട് കൂടിയ സ്ഥലത്ത് വിള്ളല്‍ വീണ് മണ്ണ് നിരങ്ങിനീങ്ങുന്ന അവസ്ഥയാണ്.
വിള്ളല്‍ വീണ ഭാഗങ്ങളില്‍ നിന്നും ശക്തമായി വെള്ളമൊഴുകുന്നത് സംബന്ധിച്ച് വിദഗ്ധ സംഘം സന്ദര്‍ശിച്ച് പ്രദേശവാസികളുടെ ആശങ്കയകറ്റണമെന്നാണ് ജനങ്ങളുടെ ആവശ്യം.
മണ്ണിന് വിള്ളലുണ്ടായ ഭാഗത്തോട് ചേര്‍ന്നാണ് നിരവധി കുടുംബങ്ങള്‍ താമസിക്കുന്നത്.