ഹജ്ജ് കമ്മിറ്റിക്ക് കീഴില്‍ കരിപ്പൂര്‍ വഴി 1500 തീര്‍ഥാടകര്‍ മദീനയിലെത്തി. ഇന്നലെ മൂന്ന് വിമാനങ്ങളിലായി 900 തീര്‍ഥാടകരാണ് യാത്രയായത്. ആദ്യദിനത്തില്‍ 600 പേര്‍ യാത്രയായിരുന്നു.
ഇന്നലെ രാവിലെ 8.40നുള്ള വിമാനത്തില്‍ 148 പുരുഷന്മാരും 152 സ്ത്രീകളുമാണ് യാത്രയായത്. രണ്ടാമത്തെ വിമാനം ഉച്ചക്ക് ഒന്നിനാണ് പുറപ്പെട്ടത്. ഇതില്‍ 147 പുരുഷന്മാരും 153 സ്ത്രീകളും യാത്രയായി. വൈകിട്ട് മൂന്നിന് പുറപ്പെട്ട മൂന്നാമത്തെ വിമാനത്തില്‍ 140 പുരുഷന്മാരും 160 സ്ത്രീകളുമാണുണ്ടായിരുന്നത്.
ഇന്ന് കരിപ്പൂരില്‍നിന്ന് രണ്ടുവിമാനങ്ങളിലായി 600 പേര്‍ യാത്രയാകും.