ഹാവായി: എയര്‍ കാനഡ വിമാനം ആകാശച്ചുഴിയില്‍പ്പെട്ട് 37 പേര്‍ക്ക് പരുക്ക്. 284 യാത്രക്കാരുമായി വാന്‍കോവറില്‍ നിന്ന് സിഡ്‌നിയിലേക്ക് പുറപ്പെട്ട ബോയിങ് 777-200 വിമാനമാണ് അപകടത്തില്‍പ്പെട്ടത്. ഇതിനെ തുടര്‍ന്ന് വിമാനം ഹവായിയില്‍ അടിയന്തരമായി ലാന്‍ഡ് ചെയ്തു.
ഗുരുതരമായി പരുക്കേറ്റ മൂന്ന് പേരെ ഹോനോലുലിവിലെ ആശുപത്രിയില്‍ പ്രവേശിപ്പിച്ചു. വിമാനം ആകാശച്ചുഴിയില്‍പ്പെട്ടതോടെ വലിയ കുലുക്കം സംഭവിച്ചെന്നും യാത്രക്കാരില്‍ മിക്കവരും സീറ്റില്‍നിന്ന് ഉയര്‍ന്ന് സീലിങ്ങില്‍ തലയിടിച്ചെന്നും യാത്രക്കാരിലൊരാള്‍ മാധ്യമങ്ങളോട് പറഞ്ഞു. അപകടത്തില്‍പ്പെട്ടവരില്‍ മിക്കവര്‍ക്കും വിമാനത്തിന്റെ സീലിങ്ങില്‍ തല ഇടിച്ചാണ് പരുക്കേറ്റത്.