ചവറ: കെ.എം.എം.എല്ലില്‍ നിന്നും വിരച്ചമിച്ചവരെ തിരിച്ചെടുക്കുന്ന കമ്പനി മാനേജ്‌മെന്റിന്റെ നിലപാടില്‍ പ്രതിഷേധിച്ചു കൊണ്ട് ഡി.വൈ.എഫ്.ഐ നടത്തിയ ഉപരോധസമരത്തെ തുടര്‍ന്ന് പുനര്‍ നിയമനം നിര്‍ത്തലാക്കാന്‍ തീരുമാനം. കമ്പനി എം.ഡിയുമായി ഇന്നലെ രാവിലെ നടന്ന ചര്‍ച്ചയില്‍ പിരിഞ്ഞു പോയവരെ തിരിച്ചെടുക്കുന്ന രീതി അവസാനിപ്പിക്കാമെന്നും ഇതിനായി ഒക്ടോബര്‍ ഒന്നിന് മുമ്പായി കമ്പനിയില്‍ ജോലി ചെയ്യുന്ന ഇത്തരം തൊഴിലാളികളെ പൂര്‍ണമായും ഒഴിവാക്കാമെന്നുമുള്ള ഉറപ്പിന്‍മേലാണ് സമരം അവസാനിപ്പിക്കുന്നതെന്ന് നേതാക്കള്‍ പറഞ്ഞു.
ചര്‍ച്ചയില്‍ കമ്പനി ഹെഡ് രാഘവന്‍, ജനറല്‍ മാനേജര്‍ അജയകൃഷ്ണന്‍, ഡി.വൈ.എഫ്.ഐ നേതാക്കളായ എസ് അനില്‍, അനൂപ് ഷാഹുല്‍, മനീഷ് പന്മന, സംജിത്ത്, സിനോജ് എന്നിവര്‍ പങ്കെടുത്തു.