കൊടുവള്ളി: വീട് കേന്ദ്രീകരിച്ച് പണം വച്ച് ചീട്ടുകളിച്ച സംഘത്തെ കൊടുവള്ളി പൊലിസ് എസ്.ഐ പ്രജീഷിന്റെ നേതൃത്വത്തില്‍ പിടികൂടി. നരിക്കുനിക്ക് സമീപം പള്ളിക്കരത്താഴം പള്ളിക്കര വീട്ടില്‍ റിട്ട. മില്‍ട്ടറി ഷാജിയുടെ വീട്ടില്‍ നിന്നാണ് സംഘം പിടിയിലായത്.
ഇവരില്‍ നിന്നും ഒരു ലക്ഷത്തി 52 ആയിരം രൂപയും പൊലിസ് പിടിച്ചെടുത്തു. ഇന്നലെ വൈകിട്ട് ആറോടെയാണ് സംഭവം. വീട്ടുടമ ഷാജിക്ക് പുറമെ കിളയില്‍ മൊയ്തൂട്ടി (42) ചേളന്നൂര്‍ ചെറു പോളങ്ങല്‍ ബഷീര്‍ (36 ), കിഴക്കുംമുറി കൂട്ടുംമ്പുറത്ത് മീത്തല്‍ കെ.എം ബൈജു (44), വെങ്ങളം കിഴക്കേടത്ത് അബ്ദുല്‍ ഗഫൂര്‍ (48), ചേളന്നുര്‍ പാലത്ത് വീട്ടില്‍ മിത്തല്‍ ഉണ്ണികൃഷ്ണന്‍ (43), കുമാര സാമി ചാലപ്പുറത്ത് താഴത്ത് പപ്പന്‍ (49) എന്നിവരാണ് പിടിയിലായത്.
പള്ളിക്കരത്താഴത്ത് വീട് കേന്ദ്രീകരിച്ച് ശീട്ട് കളി സംഘം പ്രവര്‍ത്തിക്കുന്നതായി പൊലിസിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് സംഘം പിടിയിലാവുന്നത്. എസ്.ഐ.സുനില്‍, എ.എസ്.ഐ.വിജയകുമാര്‍, പൊലിസുകാരായ അബ്ദുല്‍ റഹിം, വീ നിഷ്, അജിത്ത്, നാസര്‍ എന്നിവരാണ് പൊലിസ് സംഘത്തിലുണ്ടണ്ടായിരുന്നത്.