കോഴിക്കോട്: പ്രളയത്തിന് ശേഷം കേരളത്തെ മദ്യത്തില്‍ മുക്കിക്കൊല്ലാന്‍ ശ്രമിക്കുന്ന പിണറായി സര്‍ക്കാരിന്റെ നീക്കം ദുരൂഹവും സംശയാസ്പദവുമാണെന്ന് എസ്.ഡി.പി.ഐ.
തെരഞ്ഞെടുപ്പ് വേളയില്‍ മദ്യത്തിന്റെ ഉപയോഗവും ലഭ്യതയും കുറക്കുമെന്ന് പ്രചാരണം നടത്തി അധികാരത്തിലേറിയവര്‍ ഇപ്പോള്‍ കേരളത്തില്‍ മദ്യമൊഴുക്കാനുള്ള നീക്കം നടത്തുന്നത് തിരിച്ചറിയേണ്ടതുണ്ട്. സര്‍ക്കാര്‍ നടപടികളില്‍ ദുരൂഹതയുണ്ടെന്നും നാല് കമ്പനികള്‍ക്ക് മദ്യ നിര്‍മാണ ശാലകള്‍ സ്ഥാപിക്കാന്‍ അനുമതി നല്‍കിയ ഉത്തരവ് പിന്‍വലിക്കണമെന്നും ഭാരവാഹികള്‍ വാര്‍ത്താസമ്മേളനത്തില്‍ ആവശ്യപ്പെട്ടു.
സംസ്ഥാന പ്രസിഡന്റ് പി. അബ്ദുല്‍ മജീദ് ഫൈസി, സംസ്ഥാന സമിതിയംഗം കൃഷ്ണന്‍ എരഞ്ഞിക്കല്‍ പങ്കെടുത്തു.