ഡൽഹി: -കൊച്ചി എയര്‍ ഇന്ത്യ എക്‌സ്പ്രസ് വിമാനം വൈകുന്നു. ഇന്നലെ രാത്രി 8.55 ന് പുറപ്പെടേണ്ട വിമാനം 10 മണിക്കൂറായിട്ടും ഇതുവരെ പുറപ്പെട്ടില്ല. ഓണത്തിന് നാട്ടിലേക്ക് പോകുന്ന മലയാളികളടക്കം നിരവധി യാത്രക്കാരാണ് വിമാനത്താവളത്തില്‍ കുടുങ്ങിക്കിടക്കുന്നത്. വിമാനം വൈകുന്നതിന്റെ കാരണം എയര്‍ ഇന്ത്യ എക്‌സ്പ്രസ് അധികൃതര്‍ വ്യക്തമാക്കുന്നില്ലെന്ന് യാത്രക്കാര്‍ വിമര്‍ശിച്ചു.

രാവിലെ 6 മണിക്ക് വിമാനം പുറപ്പെടും എന്നാണ് അവസാനം അറിയിച്ചതെങ്കിലും ഇതുവരെ പുറപ്പെട്ടിട്ടില്ല. വിമാനം എപ്പോള്‍ പുറപ്പെട്ടും എന്നത് സംബന്ധിച്ച് ഒരു അറിയിപ്പും അധികൃതര്‍ നല്‍കിയിട്ടില്ലെന്നും,  ഭക്ഷണമോ മറ്റ് സൗകര്യമോ ഒന്നും അധികൃതര്‍ ഒരുക്കി തന്നില്ലെന്നും വിമാനത്തിലെ യാത്രക്കാര്‍ പരാതിപ്പെടുന്നു. വിമാനം വൈകുന്നതിനുള്ള കാരണം എന്താണെന്ന് എയര്‍ ഇന്ത്യ എക്‌സ്പ്രസ് അധികൃതര്‍ ഇതുവരെ വ്യക്തമാക്കിയിട്ടില്ല.

"An Air India Express flight from Delhi to Kochi has left passengers stranded due to unforeseen circumstances. Get the latest updates on the flight disruption and its impact on travelers."