കുന്നുംകൈ: തനിക്കു ചുറ്റുമുള്ളവരോടു നീതി പുലര്‍ത്തുക എന്നത് ഓരോ മുസ്‌ലിം ലീഗ് പ്രവര്‍ത്തകരുടെയും കടമയാണന്നു പാണക്കാട് സയ്യിദ് ബഷീറലി ശിഹാബ് തങ്ങള്‍ പറഞ്ഞു.റിയാദ് കെ.എം.സി.സി തൃക്കരിപ്പൂര്‍ മണ്ഡലം കമ്മിറ്റി പെരുമ്പട്ടയില്‍ നിര്‍മിച്ചു നല്‍കിയ ബൈത്തുറഹ്മയുടെ  താക്കോല്‍ ദാനം നിര്‍വഹിച്ചു സംസാരിക്കുകയായിരുന്നു അദ്ദേഹം.
മണ്ഡലം മുസ്‌ലിം ലീഗ് ജനറല്‍സെക്രട്ടറി വി.കെ ബാവ അധ്യക്ഷനായി. പുതുക്കിപ്പണിയുന്ന ശാഖാ മുസ്‌ലിം ലീഗ് ഓഫിസിന്റെ കട്ടില വെക്കല്‍ കര്‍മം പി.ബി അബ്ദുല്‍ റസാഖ് എം.എല്‍.എ നിര്‍വഹിച്ചു. ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ദൃശ്യമാധ്യമ ഉപഹാരം സമര്‍പ്പിച്ചു. ടി.പി അബ്ദുല്‍ കരീം ഹാജി, പി.കെ.സി റഹൂഫ് ഹാജി, വി.പി.പി മുഹമ്മദ് കുഞ്ഞി, ഷംസുദ്ദീന്‍ പെരുമ്പട്ട, ജാതിയില്‍ അസിനാര്‍, കെ.വി അബ്ദുല്‍ ഖാദര്‍, പി ഉസ്മാന്‍, എം.ടി.പി മുഹമ്മദാലി   സംസാരിച്ചു.